„Við fengum færi til að komast yfir í fyrri hálfleik og nýttum þau ekki. Við fengum mark í andlitið og svo vantaði aðeins meiri kraft í okkur í síðari hálfleik til að skora," sagði Magnús Már Einarsson, þjálfari Aftureldingar, eftir 2-0 tap gegn Fram í Lengjudeildinni.
„Við erum að mæta langbesta liðinu í deildinni miðað við töfluna. Þetta er mjög gott fótboltalið og þeir gerðu þetta vel."
„Við erum að mæta langbesta liðinu í deildinni miðað við töfluna. Þetta er mjög gott fótboltalið og þeir gerðu þetta vel."
Lestu um leikinn: Afturelding 0 - 2 Fram
Hvað hefði Afturelding þurft að gera betur í kvöld?
„Í fyrri hálfleik fannst mér við spila flott og við fáum fín færi. Við hefðum þurft að nýta þau betur, það er það sem situr efst í huga mér núna. Við hefðum átt að nýta þessi færi betur í fyrri hálfleiknum. Í síðari hálfleik hefðum við þurft að spila hraðar og taka betri ákvarðanir í kringum teiginn."
„Það er margt sem við hefðum getað gert betur. Svo, stundum er það þannig í fótbolta, mér fannst við geta spilað eitthvað fram eftir kvöldi án þess að skora mark. Þetta var einn af þeim dögum þar sem vantaði einhverja trú og greddu í kringum teiginn. Það er eitthvað sem við þurfum að bæta fyrir næsta leik gegn Ólafsvík," sagði Maggi.
Allt viðtalið má sjá hér að ofan.
Athugasemdir
