„Ég er rosalega stoltur af strákunum." Sagði Orri Freyr Hjaltalín þjálfari Þórs eftir 5-1 stórsigur liðsins á Þrótti í elleftu umferð Lengjudeildarinnar.
Lestu um leikinn: Þór 5 - 1 Þróttur R.
Orri ekki sáttur með liðið í síðustu tveimur leikjum og undirbjó liðið vel fyrir leikinn í kvöld.
„Við vorum ekki búnir að vera góðir í síðustu tveimur leikjum og ég tók þá aðeins í gegn í vikunni og þeir svo sannarlega svöruðu þessu kalli."
Hvað hefur þú verið að vinna í í vikunni?
„Við höfum aðallega verið að vinna í andlega þættinum. Við getum verið góðir þegar við erum góðir, getum líka verið mjög lélegir þegar við erum lélegir. Mér finnst við vera með þessi gæði þannig að við getum alltaf verið góðir. Það er vonandi að við getum haldið þessum 'standard' áfram út tímabilið."
Orri spilaði á kornungu liði í dag, Ásgeir Marinó (2001) skorar og Kristófer Kristjánsson (2004) kemur inná og leggur upp svo dæmi séu tekin.
„Við spilum á kornungu liði og það var gríðarleg leikgleði og menn vildu allir fá boltann, dreyfðum spilinu vel, sóttum vel upp kanntana og fengum fyrirgjafir. Það gekk eiginlega bara allt upp í leiknum."
Athugasemdir