Jose Mourinho hefur landað Brasilíumanninum Fred, hinum unga portúgalska bakverði Diego Dalot og markverðinum Lee Grant í glugganum.

United mistókst að landa miðverði fyrir gluggalok.

„Ég hefði verið til í að mun fleiri heimsklassa leikmenn hefðu verið keyptir. En þetta er ákvörðun félagsins," sagði Sanchez við ESPN Brasil.

Sanchez hrósar þó Fred sem keyptur var á 52 milljónir punda og spilar líklega sinn fyrsta úrvalsdeildarleik annað kvöld þegar United mætir Leicester.

„Fred hefur heillað mig mikið í fyrstu leikjunum. Liðinu vantaði svona leikmann. Svo hefur Andreas Pereira heillað mig mikið. Þetta eru leikmenn með gæði sem gætu hjálpað mikið," sagði Sanchez en Pereira var á láni hjá Valencia á síðustu leiktíð.