Þessi efnilegi leikmaður varð þar yngsti leikmaður í sögu ÍA til að spila leik í efstu deild.

Daníel sló met eldri bróður síns, Ísaks Bergmanns Jóhannessonar, þegar hann kom inn á í leiknum. Daníel var 15 ára og 119 daga gamall þegar hann kom inn á gegn Blikum.

Ísak var 15 ára og 182 daga gamall er hann kom inn á í sínum fyrsta leik með ÍA í efstu deild.

„Daniel er einn af okkar efnilegustu leikmönnum og á framtíðina fyrir sér," segir á vefsvæði Skagamanna á Facebook.

Daníel og Ísak eru auðvitað báðir synir Jóhannesar Karls Guðjónssonar, fyrrum landsliðsmanns og núverandi aðstoðarþjálfara landsliðsins. Ísak er í dag leikmaður FC Kaupmannahafnar og íslenska landsliðsins.