Steve Bruce, stjóri Newcastle United, talaði um umræðuna sem hefur átt sér stað um hann á samskiptamiðlum.
Bruce hefur ekki verið vinsæll í stjóratíð sinni hjá Newcastle og hafa margir stuðningsmenn liðsins sem og aðrir, gjörsamlega látið hann heyra það á samskiptamiðlum.
Á fimmtudaginn varð það ljóst að fjárfestarnir frá Sádi-Arabíu gengu frá kaupum á Newcastle. Félagið losnaði því loksins við Mike Ashley en hann er ekki vinsæll í Newcastle borg.
„Það hafa verið hlutir skrifaðir og sagðir um mig. Ógeðsleg orð á samskiptamiðlum. Ég er bara ánægður með að foreldrar mínir voru ekki enn á lífi til að sjá og heyra þetta allt. Hjartað á þeim hefði brotnað," sagði Bruce.
Líklegt er að nýju eigendurnir hjá Newcastle muni leita að nýjum stjóra en allt á þetta eftir að koma í ljós.
Athugasemdir