Markvörður Belgíu, Thibaut Courtois, er ósáttur með að liðið þurfi að mæta Ítalíu í leik um þriðja sætið í Þjóðadeildinni.
Belgía missti niður 2-0 forystu gegn Frakklandi í undanúrslitunum og því hefur gullkynslóð landsins enn ekki unnið titil. Belgía mætir því Ítalíu í leik um þriðja sætið en Ítalir töpuðu gegn Spánverjum í hinum undanúrslitaleiknum.
„Við erum að spila fyrir ekkert. Þegar þú ert 2-0 yfir, þá geturu ekki kastað sigrinum burt. Við gerðum það samt," sagði Courtois.
„Að enda í þriðja eða fjóra sæti í Þjóðadeildinni er ekki áhugavert fyrir neinn. Þetta er tilgangslaus leikur, ég veit ekki afhverju það er verið að spila hann."
Belgar leiddu 2-0 í hálfleik gegn Frökkum en mörk frá Karim Benzema, Kylian Mbappe og Theo Hernandez skutu Frökkum áfram í úrslitaleikinn.
Athugasemdir