Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 09. október 2021 11:19
Elvar Geir Magnússon
Fékk hræðilega einkunn síðast þegar hann dæmdi á Íslandi
Icelandair
Ioannis Papadopoulos.
Ioannis Papadopoulos.
Mynd: Fótbolti.net - Hafliði Breiðfjörð
Gríski dómarinn Ioannis Papadopoulos mun dæma leik Íslands og Liechtenstein á mánudaginn.

Papadopoulos er ekki ýkja hátt skrifaður hjá UEFA og hefur að mestu starfað sem fjórði dómari í alþjóðlegum verkefnum.

Þá hefur hann dæmt ýmsa leiki yngri landsliða og var með flautuna í 1-2 tapi íslenska U21 landsliðsins gegn Ítalíu á síðasta ári.

Arnar Þór Viðarsson og Eiður Smári Guðjohnsen stýrðu þá U21 landsliðinu. Nokkrir sem eru með A-landsliðinu í dag léku þann leik en hér má sjá skýrsluna úr leiknum.

Arnar Laufdal Arnarsson sem skrifaði um leikinn gaf Papadopoulos 3/10 í einkunn fyrir hans frammistöðu.

„Afleit frammistaða hjá Grikkjanum í dag, ótrúlega skrítin lína sem hann setti, flautaði alltof mikið en sleppti svo augljósum dómum og hefði getað dæmt víti fyrir okkur Íslendinga..." skrifaði Arnar.

Allt dómarateymið í kringum leikinn á mánudaginn kemur frá Grikklandi, líka VAR dómararnir.
Athugasemdir
banner
banner
banner