Það er landsleikjagluggi hjá karlalandsliðum, en það er engin pása í kvennadeildunum um þessa helgi, og það er rosalegur leikur á dagskrá á Englandi.
Í hádeginu í dag mætast Manchester United og Manchester City. Þessi lið vilja vera að berjast um þann stóra - Englandsmeistaratitilinn.
Man Utd er með níu stig eftir fjóra leiki á meðan Man City hefur farið mjög illa af stað og er með þrjú stig eftir fyrstu fjórar umferðirnar.
Varnarmaðurinn María Þórisdóttir leikur með Man Utd. Hún á íslenskan föður en spilar með norska landsliðinu. Faðir hennar er handboltaþjálfarinn Þórir Hergeirsson, sem þjálfar norska kvennalandsliðið.
Man Utd hefur aldrei tekist að vinna Man City í ensku úrvalsdeildinni. Það er spurning hvort það breytist í dag. Leikurinn verður sýndur í beinni á Viaplay og hefst 12:30.
Athugasemdir