fim 09. nóvember 2017 09:30
Magnús Már Einarsson
Umtiti til Man Utd í janúar?
Powerade
Samuel Umtiti er orðaður við Manchester United.
Samuel Umtiti er orðaður við Manchester United.
Mynd: Getty Images
Kane er sagður efstur á óskalista Real Madrid.
Kane er sagður efstur á óskalista Real Madrid.
Mynd: Getty Images
Slúðurpakki dagsins er mættur úr prentun. Njótið!



Real Madrid er með Harry Kane (24) framherja Tottenham efstan á óskalista til að taka stöðu Karim Benzema (29) í fremstu víglínu. (Daily Mirror)

Stjórnarmenn Manchester Untied óttast að Jose Mourinho sé tilbúinn að fara frá félaginu til PSG í sumar. (Sun)

Mourinho er sagður vilja fá Samuel Umtiti (23) varnarmann Barcelona í sínar raðir í janúar. (Daily Mirror)

Arsenal hefur sett 30 milljóna punda verðmiða á Mesut Özil (29) en samningur hans rennur út næsta sumar. Özil hefur verið orðaður við Manchester United. (Daily Star)

Sergio Aguero (29) ætlar að fara frá Manchester City árið 2019 og ganga til liðs við uppeldisfélag sitt Independiente í Argentínu. (Daily Mirror)

Manchester City ætlar að bjóða Gabriel Jesus (20) nýjan samning upp á meira en 100 þúsund pund í laun á viku. Það er 30 þúsund punda hækkun frá núverandi samningi. (Daily Mail)

Neymar er að gera sitt besta til að sannfæra Philippe Coutinho, félaga sinn í brasilíska landsliðinu, að ganga í raðir PSG. (Daily Mirror)

Lionel Messi, leikmaður Barcelona, telur að liðsfélagi sinn Javier Mascherano sé mögulega á leið aftur til Liverpool. (Daily Express)

Charlton fær 250 þúsund pund frá Liverpool ef Joe Gomez (20) verður í byrjunarliði enska landsliðsins gegn Þýskalandi eða Brasilíu á næstu dögum. Félögin sömdu um þetta þegar Liverpool keypti Gomez árið 2015. (Daily Mail)

Roman Abramovich, eigandi Chelsea, hefur rætt við kínverka fjárfesta um að hjálpa til við byggingu á nýjum leikvangi með því að leggja til 500 milljónir punda. (Sun)

Nabil Fekir (24), framherji Lyon, segist hafa áhuga á að spila í ensku úrvalsdeildinni en hann hefur verið orðaður við Arsenal. (Metro)

Umboðsmaður Alexandre Lacazette, segir að framherjinn sé ekki áhyggjufullur yfir litlum spiltíma hjá Arsenal á tímabilinu. (FourFourTwo)

Chelsea hefur spurst fyrir um Jann-Fiete Arp (17) framherja Hamburg. (Metro)

Bayern Munchen hefur blandað sér í baráttuna um Mauro Icardi (24) framherja Inter en Arsenal og Chelsea hafa einnig áhuga. (Talksport)

Leeds hefur lagt fram 180 þúsund punda tilboð í Kamil Jozwiak (19) kantmann Lech Poznan í Póllandi. (Daily Mail)
Athugasemdir
banner
banner
banner
banner