fös 09. nóvember 2018 20:30
Ívan Guðjón Baldursson
Sancho segist ekki vera á förum frá Dortmund
Mynd: Getty Images
Ungstirnið Jadon Sancho segist vera mjög ánægður með lífið í herbúðum Borussia Dortmund.

Sancho er aðeins 18 ára gamall en hefur verið einn af betri leikmönnum Dortmund í frábærri byrjun félagsins á tímabilinu.

Dortmund er á toppi þýsku deildarinnar með fjögurra stiga forystu og fær stórveldi FC Bayern í heimsókn í toppslag á laugardaginn.

Sancho kom mikið af bekknum til að byrja með en hefur verið að fá meiri og meiri tíma í byrjunarliðinu. Hann hefur tekið þátt í öllum keppnisleikjum Dortmund á tímabilinu og er búinn að skora fimm mörk og leggja átta upp. Þá varð hann fyrsti Englendingurinn fæddur eftir aldamótin til að vera kallaður upp í A-landsliðið.

Miðjumaðurinn knái hefur verið orðaður við Paris Saint-Germain að undanförnu en hann segist ekki vera á förum.

„Ég er ekki að hugsa um að skipta um félag. Ég stend í þakkarskuld við Dortmund og mér líður mjög vel í þessum leikmannahópi. Mér líður vel hérna og það er ekki af ástæðulausu sem ég skrifaði undir langtímasamning," sagði Sancho við Bild.

„Við vitum hversu sterkir Bæjarar eru en við vitum líka að við getum unnið þá á góðum degi, sérstaklega á heimavelli. Við berum virðingu fyrir þeim en erum einnig fullir sjálfstrausts og vitum hvað við getum gert."
Stöðutaflan Þýskaland Bundesliga - karlar
  L U J T ms: mf: mun Stig
1 Leverkusen 26 22 4 0 66 18 +48 70
2 Bayern 26 19 3 4 78 31 +47 60
3 Stuttgart 26 18 2 6 60 31 +29 56
4 Dortmund 26 14 8 4 53 32 +21 50
5 RB Leipzig 26 15 4 7 60 32 +28 49
6 Eintracht Frankfurt 26 10 10 6 42 35 +7 40
7 Augsburg 26 9 8 9 43 42 +1 35
8 Hoffenheim 26 9 6 11 44 50 -6 33
9 Freiburg 26 9 6 11 36 48 -12 33
10 Werder 26 8 6 12 35 41 -6 30
11 Heidenheim 26 7 8 11 35 44 -9 29
12 Gladbach 26 6 10 10 46 50 -4 28
13 Union Berlin 26 8 4 14 25 42 -17 28
14 Wolfsburg 26 6 7 13 31 44 -13 25
15 Bochum 26 5 10 11 30 54 -24 25
16 Mainz 26 3 10 13 22 46 -24 19
17 Köln 26 3 9 14 20 47 -27 18
18 Darmstadt 26 2 7 17 26 65 -39 13
Athugasemdir
banner
banner
banner