Lasse Petry, fyrrum leikmaður Nordsjælland, Lyngby, Vals, HB Köge og FH hefur lagt skóna á hilluna.
Petry er þrítugur Dani sem kom fyrst til Íslands árið 2019 og lék tvö tímabil með Val, seinna tímabilið varð hann Íslandsmeistari með liðinu og valinn í lið ársins. Hann kom svo aftur til Íslands í maí á þessu ári, lék með FH fyrri hluta móts en skipti svo yfir í Val í glugganum. Eftir tímabilið var gefið út að yrði ekki áfram hjá félaginu.
Petry er þrítugur Dani sem kom fyrst til Íslands árið 2019 og lék tvö tímabil með Val, seinna tímabilið varð hann Íslandsmeistari með liðinu og valinn í lið ársins. Hann kom svo aftur til Íslands í maí á þessu ári, lék með FH fyrri hluta móts en skipti svo yfir í Val í glugganum. Eftir tímabilið var gefið út að yrði ekki áfram hjá félaginu.
Petry hefur glímt við hnémeiðsli á sínum ferli og eru þau ástæðan fyrir því skórnir eru farnir á hilluna.
„Ég var að labba með dóttur minni sem er eins árs þegar ég meiddi mig í hnénu. Þá áttaði ég mig á því að ég ætti líklega að hætta fljótlega," sagði Petry við bold.dk.
Hann hefur fjórum sinnum þurft að fara í aðgerð á hægra hnénu og auk þess glímt við fleiri meiðsli. „Fótboltinn hefur verið líf mitt, en það er ekkik eins gaman þegar þú finnur fyrir sársauka á hverjum degi og getur ekki farið upp og niður stiga daginn eftir leik. Það eru mikilvægari hlutir í lífinu; ég vil geta leikið mér með börnunum mínum eftir fjögur eða fimm ár."
Petry er stoltur af ferlinum sínum, hann vann gull, silfur og brons í dönsku deildinni, varð bikarmeistari og árið 2020 varð hann Íslandsmeistari með Val. Hann lék með yngri landsliðum Danmörku og spilaði Evrópuleiki.
Árið 2018 var hann nálægt því að ganga í raðir Gautaborgar í Svíþjóð. „Mig dreymdi um að spila erlendis, án þess að tala Ísland niður, þá kom hnéð í veg fyrir að ég tæki skrefið frá Danmörku. Áður en ég fór til Lyngby (2018) þá var ég á leiðinni til Gautaborgar, var búinn að pakka en sænska félagið hætti við á síðustu stundu. Það hefði getað verið gaman en ég er meira en sáttur við þá staði sem ég hef komið á og spilað. Ég hef eignast vini fyrir lífstíð."
Í viðtalinu er Petry spurður hvar hann hefði verið upp á sitt besta. „Ég hef átt góða tíma hjá öllum félögunum sem ég hef spilað með, en tíminn hjá Nordsjælland hefur mestu þýðinguna því ég var þar í tíu ár. Tímabilið 2020 á Íslandi var einnig mjög gott; þar var ég mjög nálægt mínu allra besta, sérstaklega miðað við það sem ég hef gengið í gegnum. Stærstu minningarnar eru titlarnir."
Petry útilokar ekki að hann muni áfam starfa í kringum fótbolta.
Athugasemdir