Julian Nagelsmann, stjóri Bayern, sagði eftir leik að Mane hefði fengið högg á sköflunginn. Frekari upplýsingar um meiðslin kæmu í ljós eftir myndatöku. Aðstoðarmaður Nagelsmann, Dino Toppmöller, sagði að Mane hefði fengið högg á taug og það væru mjög litlar líkur á því að Mane myndi missa af HM.

Í grein franska miðilsins L'Equipe er þó sagt frá því að Mane verði ekki með Senegal á HM. Það yrði augljóslega mikið högg fyrir liðið. Miðillinn segir frá því að höggið hefði ollið meiðslum sem myndu halda Mane fjarri vellinum næstu vikurnar. Líklegt er að frekari tíðindi munu berast af Mane á næstunni.

Fyrsti leikur Senegal á HM fer fram eftir tólf daga þegar liðið mætir Hollandi.

Mane er markahæsti leimaður í sögu Senegal með 34 landsliðsmörk.