Chelsea varð í gærkvöldi fyrsta liðið til þess að leggja Manchester City af velli í ensku úrvalsdeildinni á tímabilinu. Lokatölur 2-0, David Luiz og N'Golo Kante með mörk Lundúnarliðsins.
Lögreglan í London rannsakar nú meinta kynþáttaníð í garð Raheem Sterling, leikmanns Manchester City á meðan á leiknum stóð í gær. Atvikið átti að hafa gerst þegar Sterling var að sækja boltann fyrir aftan mark Chelsea.
„Við erum með myndbandsupptöku af þessu meinta atviki sem er núna í skoðun hjá okkur. Við munum nú setja af stað rannsókn," segir í tilkynningu frá lögreglunni í London.
Enginn hefur verið handtekinn vegna atviksins en Chelsea hefur gefið það út að félagið taki þessum ásökunum alvarlega og muni bregðast við, reynist þær réttar.
Myndband af atvikinu má sjá hér að neðan.
This guy, far right, blue jacket, glasses, screaming what looks like vile racial abuse. Kick him out @ChelseaFC @premierleague @kickitout. Does anybody know him? Not just awful for Sterling but other fans, not least the black guy behind him. pic.twitter.com/UwXUGobkoH
— Matthew Syed (@matthewsyed) December 8, 2018
Athugasemdir