Hannover komst yfir í leiknum nokkuð óvænt þegar Hendrik Weydant skoraði á tólftu mínútu eftir sendingu frá Genki Haraguchi.

Hannover náði að hanga á forystunni lengi vel þrátt fyrir yfirburði Mainz í leiknum.

Það var ekki fyrr en á 90. mínútu sem að Daniel Borsinski jafnaði leikinn úr vítaspyrnu. Þar við sat og lokatölur 1-1.

Oliver Sorg fékk að líta sitt annað gula spjald í uppbótartíma en rúmlega tíu mínútum var bætt við venjulegan leiktíma.

Stigið gerir afskaplega lítið fyrir bæði lið en Hannover er ennþá í fallsæti á meðan Mainz lyftir sér upp um eitt sæti og situr í 10.sæti.