Sara Björk Gunnarsdóttir var á sínum stað í byrjunarliði Wolfsburg sem að mætti Frankfurt í þýsku úrvalsdeildinni í dag.
Wolfsburg komst yfir strax á 4. mínútu þegar Alexandra Popp braut ísinn. Tvö mörk frá Caroline Hansen fylgdu í kjölfarið og staðan því orðin 0-3 eftir rúmlega hálftíma leik.
Tanja Pawollek náði að klóra í bakkann fyrir Frankfurt fyrir hálfleikinn og það var Laura Freigang sem að náði að minnka muninn í eitt mark eftir stundarfjórðung í síðari hálfleik.
Pernille Harder skoraði fjórða mark Wolfsburg þremur mínútum síðar en Lena Goessling og Lena Goessling bættu síðan við sitthvoru markinu, lokatölur 2-6.
Það virðist ekkert lát ætla að verða á velgengni Wolfsburg en liðið er með átta stiga forskot eftir tólf leiki, taplaust.
Athugasemdir