Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 09. desember 2022 08:45
Elvar Geir Magnússon
Real Madrid hefur áhuga á Garnacho - Pabbi Bellingham vill að hann fari í Liverpool
Powerade
Alejandro Garnacho.
Alejandro Garnacho.
Mynd: Getty Images
Jude Bellingham.
Jude Bellingham.
Mynd: Getty Images
Forseti PSG, Nasser Al-Khelaifi.
Forseti PSG, Nasser Al-Khelaifi.
Mynd: Fótbolti.net - Elvar Geir Magnússon
HM fer aftur af stað í dag! Garnacho, Bellingham, Sommer, Endrick, Ziyech og Leao eru meðal manna sem koma við sögu í slúðurpakkanum.

Real Madrid hefur áhuga á Alejandro Garnacho (18), vængmanni Manchester United. Þessi 18 ára Argentínumaður skoraði sitt fyrsta úrvalsdeildarmark gegn Fulham í síðasta mánuði. (Revelo)

Real Madrid hefur verið orðað við Garnacho, Rafael Leao (23) hjá AC Milan og Cody Gakpo (23) hjá PSV Eindhoven en ætlar ekki að gera tilboð í neinn þeirra í janúar. (Marca)

AC Milan mun segja Leao í janúar að skrifa undir nýjan samning eða fara. (Calciomercato)

Enski miðjumaðurinn Jude Bellingham (19) mun tilkynna Borussia Dortmund eftir HM að hann vilji yfirgefa félagið. Pabbi hans vill að hann fari til Liverpool en Manchester City og Real Madrid er einnig í baráttunni um hann. (Sport Bild)

Manchester United er að vinna að því að ganga frá samningi við svissneska markvörðinn Yann Sommer (33) en samningur hans við Borussia Dortmund rennur út næsta sumar. (ESPN)

Real Madrid hefur gengið frá sex ára samningi við brasilíska táninginn Endrick (16) frá Palmeiras. Hann mun þó ekki ganga í raðir Madrídinga fyrr en í júlí 2024 þegar hann verður 18 ára. (Fabrizio Romano)

Það er vilji enskra landsliðsmanna að Gareth Southgate haldi áfram sem landsliðsþjálfari eftir HM. Hann er mjög vinsæll meðal hópsins og gengi liðsins orðið betra undir hans stjórn. (Mirror)

Ben White (25), varnarmaður Arsenal. yfirgaf enska landsliðshópinn eftir að hann lenti upp á kant við aðstoðarmann Gareth Southgate - Lestu nánar um málið. (Daily Star)

AC Milan er tilbúið að bjóða í Hakim Ziyech (29), framherja Chelsea, sem hefur leikið virkilega vel með Marokkó á HM. (Gazzetta dello Sport)

Nasser Al-Khelaifi forseti Paris St-Germain segir að franska félagið gæti gert tilboð í enska framherjann Marcus Rashford (25) hjá Manchester United næsta sumar. (Sky Sports)

Rashford hefur þegar skorað þrjú mörk á HM. Hann segir að ekkert toppi það að skora fyrir þjóð sína. (Mirror)

Al-Khelaifi segist einnig búast við því að Lionel Messi (35) framlengi dvöl sína í París þegar framtíð hans verði rædd í janúar. (Sky Sports)

Arsenal mun skoða möguleika sína á markaðnum eftir að Gabriel Jesus (25) meiddist á hné á HM. Þetta segir Mikel Arteta, stjóri Arsenal. (Football London)

Newcastle vill fá enska miðjumanninn James Maddison (26) frá Leicester í janúar. (90min)

Aston Villa, Leicester City og Atletico Madrid hafa spurst fyrir um hollenska varnarmanninn Stedan de Vrij (30) hjá Inter. Samningur hans rennur út í sumar. (FC Inter News)

Inter fylgist með enska miðverðinum Chris Smalling (33) hjá Roma. Roma hefur boðið Smalling nýjan tveggja ára samning á lægri launum en hann sjálfur hefur einnig möguleika á að framlengja núgildandi samningi, sem rennur út næsta sumar, um eitt ár ef hann spilar ákveðið marga leiki. (Gazzetta dello Sport)

Manchester United býst við því að enski hægri bakvörðurinn Aaron Wan-Bissaka (25) yfirgefi félagið í janúarglugganum. (90min)

Fosun International, eigendur Wolverhampton Wanderers, eru að leita að nýjum hluthöfum en hyggjast ekki selja félagið. (Times)
Athugasemdir
banner
banner
banner
banner