Arsenal mun ekki kaupa neina leikmenn í janúar en gæti þó fengið einhverja leikmenn á láni. Þetta staðfesti Unai Emery á blaðamannafundi fyrr í dag.
„Við erum ekki að fara kaupa neinn en ég held því opnu varðandi það að fá einhvern til okkar á láni," sagði Emery á fundinum.
Denis Suarez, leikmaður Barcelona hefur verið orðaður við félagið síðan í desember.
„Ég veit ekki nákvæmlega hvernig málin með Suarez standa. Félagið er að vinna í þeim málum og vonandi fáum við einhverja leikmenn sem geta hjálpað okkur út leiktíðina."
Arsenal mætir West Ham í ensku úrvalsdeildinni á laugardaginn.
„Þeir eru á heimavelli með sína stuðningsmenn, þetta verður erfitt. Hver einasti leikur er áskorun og leikurinn á laugardaginn er ný áskorun. Við erum tilbúnir og ætlum að gefa allt í leikinn og vonandi uppskera sigur."
Athugasemdir