HK/Víkingur lagði Stjörnuna að velli í eina leik dagsins í Faxaflóamótinu.

Helga Guðrún Kristinsdóttir kom Garðbæingum yfir á fyrstu mínútu leiksins en Ragnheiður Kara Hálfdánardóttir sneri stöðunni við með tvennu fyrir leikhlé.

Hart var barist í síðari hálfleik allt þar til í lokin, þegar Arna Eiríksdóttir innsiglaði sigur heimamanna úr vítaspyrnu.

Stjarnan, sem teflir fram afar ungum leikmannahóp í Faxaflóamótinu, er búin að tapa báðum leikjum sínum hingað til. Næsti leikur Stjörnunnar er skráður gegn Selfossi 27. janúar, á meðan HK/Víkingur mætir KR á sunnudaginn.

Markaskorarar af urslit.net