Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 10. janúar 2019 06:00
Brynjar Ingi Erluson
Solari: Of mikilvægur leikur til að byrja Isco
Isco í leik með Madrídingum gegn Villarreal
Isco í leik með Madrídingum gegn Villarreal
Mynd: Getty Images
Santiago Solari, þjálfari Real Madrid á Spáni, telur að leikurinn gegn Leganes hafi verið of mikilvægur til þess að byrja spænska miðjumanninum Isco.

Real Madrid vann öruggan 3-0 sigur á Leganes þar sem Sergio Ramos, Lucas Vazquez og Vinicius Junior skoruðu mörkin.

Isco byrjaði á bekknum en staða hans hefur mikið verið rædd á Spáni og hefur hann þá verið orðaður við mörg stórlið.

Hann kom inná á 71. mínútu í gær en Solari taldi leikinn of mikilvægan til að setja Isco í byrjunarliðið. Menn á borð við Gareth Bale og Marco Asensio eru meiddir og því undarlegt að Isco hafi ekki fengið tækifærið.

„Það eru 24 leikmenn í hópnum og mitt hlutverk er að velja liðið og það er ekkert sérstaklega notalegt. Af hverju byrjaði Isco ekki? Því þetta var mikilvægur leikur fyrir okkur," sagði Solari.
Athugasemdir
banner
banner
banner
banner
banner