„Ef ég tala of mikið um Harry þá verð ég þunglyndur," segir Mourinho.

Moussa Sissoko, miðjumaður Tottenham, verður einni frá fram í apríl.

„Það er ekki hægt að fylla skarð Harry. Það er ekki til leikmaður sem getur komið í staðinn. Við getum ekki spilað eins og við spilum venjulega þegar hann er ekki til staðar. Moussa Sissoko var að spila mjög vel."

Hugo Lloris að snúa aftur
Það jákvæða fyrir Mourinho er að markvörðurinn Hugo Lloris er að verða leikfær að nýju og það styttist í Ben Davies. Franski markvörðurinn hefur verið frá síðan í október vegna meiðsla á olnboga.

„Lloris hefur ekki spilað leik fyrir mig. Ben hefur spilað einn og lék mjög vel. Þetta eru góðar fréttir. Í lok mánaðarins eru komnir tveir leikmenn inn," segir Mourinho en Paulo Gazzaniga hefur varið mark Spurs og fengið talsverða gagnrýni.

„Við höfum spilað á markverði sem er að gera sitt besta og við höfum trú á honum en það eru gleðifréttir fyrir Hugo að snúa aftur eftir meiðslin."

Tottenham tekur á móti Liverpool klukkan 17:30 á morgun.