Framherjinn Pétur Theodór Árnason var í gærkvöldi útnefndur íþróttamaður Gróttu fyrir árið 2019. Pétur átti frábært tímabil með Gróttu í Inkasso-deildinni og varð markakóngur með 15 mörk.
Eins og kunnugt er sigraði Grótta deildina en í lok tímabils var Pétur valinn í lið ársins og valinn leikmaður ársins á lokahófi Gróttu.
Pétur tekur við titlinum af liðsfélaga sínum Degi Guðjónssyni.
Feðgarnir Óskar Hrafn Þorvaldsson og Orri Steinn Óskarsson fóru einnig heim með verðlaun í gær en Óskar var valinn þjálfari ársins hjá Gróttu og Orri Steinn íþróttamaður æskunnar.
Orri leikur nú með danska stórliðinu FC Kaupmannahöfn og Óskar þjálfar meistaraflokk karla hjá Breiðabliki.
Athugasemdir