Jose Mourinho, stjóri Tottenham, vill ólmur fá inn framherja í ljósi þess að Harry Kane verður frá þangað til í apríl.

Lucas Moura og Heung-Min Son eru einu leikmennirnir sem geta leyst stöðuna í fjarveru hans og virðist því Daniel Levy, framkvæmdastjóri Tottenham, vera með hraðar hendur í glugganum.

Samkvæmt Sun þá er Piatek bókaður í læknisskoðun á næstu tveimur sólarhringum hjá Tottenham. Þar kemur fram að kaupverðið sé 23,8 milljónir punda en getur hækkað upp í rúmlega 27 milljónir punda ef ákveðnum kröfum er mætt.

Sky Sport Italia greinir þó frá því að Tottenham hafi fyrst lagt fram lánstilboð í Piatek sem var hafnað af Milan. Tottenham hafi þá boðið Milan að fá Victor Wanyama og Juan Foyth í skiptidíl en því tilboði var einnig hafnað.

Milan vill aðeins fá peninga en það verður fróðlegt að fylgjast með framvindu mála. Piatek er kominn aftarlega í goggunarröðinni eftir að Zlatan Ibrahimovic samdi við Milan.