David Alaba og Aurelien Tchouameni eru á meiðslalistanum svo Carlo Ancelotti hefur ákveðið að taka 18 ára gamlan miðjumann með sér, hinn franska Martio Martín.

Hann hefur verið fastamaður hjá varaliði Real Madrid, sem Raul stýrir, á þessu tímabili.

Diario AS segir leikmanninn að mörgu leyti vera svipaður Tchouameni en í grunninn er hann varnarsinnaður miðjumaður. Hann getur þó skotið af löngu færi og er harður í horn að taka í einvígjum.

Þá er Martín sagður mjög áreiðanlegur, hann gerir sárafá mistök og er í miklu uppáhaldi hjá þjálfurum sínum. Þó ekki sé talið líklegt að Martín verði í stóru hlutverki í Ofurbikarnum er ljóst að einhver ástæða er fyrir því að Ancelotti tekur hann með. Spennandi leikmaður.