Tottenham hefur unnið tvo síðustu leiki sína í deildinni en sigurmörkin hafa látið bíða eftir sér og komið í bæði skiptin undir lok leikja.

Liðið hefur verið að missa lykilleikmenn í meiðsli og önnur verkefni en með sigri hér í dag styrkir liði stöðu sína í þriðja sæti deildarinnar.

Leicester hefur unnið einn af síðustu sjö leikjum sínum og er Claude Puel, stjóri liðsins, sagður valtur í sessi. Þrátt fyrir það hafa nokkrir af bestu leikjum liðsins komið á móti "stóru" liðunum.

Oliver Skipp byrjar á miðsvæðinu hjá Tottenham í dag en Harry Kane og Dele Alli eru hvorugir í hóp. Yuri Tielemans byrjar hjá Leicester í sínum fyrsta úrvalsdeildarleik fyrir félagið.

Jamie Vardy byrjar einnig á varamannabekk Leicester í leiknum.

Byrjunarlið Tottenham:Lloris (F), Trippier, Sanchez, Vertonghen, Rose, Winks, Sissoko, Skipp, Eriksen, Son, Llorente.

Byrjunarlið Leicester:Schmeichel; Pereira, Maguire, Evans, Chilwell; Mendy, Tielemans; Ghezzal, Maddison, Barnes; Gray.