sun 10. febrúar 2019 10:21
Arnar Helgi Magnússon
Fótbolta.net mótið: KV í úrslit eftir öruggan sigur á Árborg
KV valtaði yfir Árborg í gær.
KV valtaði yfir Árborg í gær.
Mynd: Fótbolti.net - Eyjólfur Garðarsson
Tveir leikir voru spilaðir í C-riðli Fótbolta.net mótsins í gær en þeim riðli er nú lokið.

Víðir sótti flottan sigur á Bessastaðavöll en liðið fór með 0-2 sigur af hólmi. Helgi Þór Jónsson og Ari Steinn Guðmundsson með mörk Víðis í leiknum.

Í síðari leik dagsins mættust KV og Árborg en fyrir leikinn dugði KV sigur til þess að vinna riðilinn.

Ástráður Leó, Einar Már og Viktor Máni skoruðu allir eitt mark í fyrri hálfleik og staðan því 3-0 þegar flautað var til hálfleiks.

Viktór Máni skoraði sitt annað mark og fjórða mark KV í síðari hálfleik en fleiri urðu mörkin ekki og KV stendur uppi sem sigurvegari í riðli 2 í C-deild Fótbolta.net mótsins.

KV mætir sigurvegara úr riðli 1 en sá riðill er ekki enn búinn en Þróttur V. er í toppsætinu sem stendur.

Álftanes 0 - 2 Víðir
0-1 Helgi Þór Jónsson
0-2 Ari Steinn Guðmundsson

KV 4 - 0 Árborg
1-0 Ástráður Leó Birgisson
2-0 Einar Már Þórisson
3-0 Viktor Máni Róbertsson
4-0 Viktor Máni Róbertsson
Athugasemdir
banner
banner
banner
banner