Þetta er mögulega versti dagur Maurizio Sarri frá því að hann tók við Chelsea síðasta sumar en liðið tapaði 6-0 fyrir Manchester City í dag. Það er stærsta tap liðsins í efstu deild á Englandi síðan gegn Nottingham Forest árið 1991.
Sarri var harðorður í garð eigin leikmanna eftir óvænt 4-0 tap gegn Bournemouth í lok janúar og hélt hann leikmönnum sínum inni í klefa í rúma klukkustund eftir leikinn. Hann virtist enn pirraðari eftir tapið í dag þar sem hann rauk af velli án þess að taka í hönd Pep Guardiola að leikslokum.
Staða Sarri við stjórnvölinn hjá Chelsea var í hættu fyrir leikinn í dag og verður áhugavert að sjá hvernig hann svarar fyrir sig á fréttamannafundi sem hefst von bráðar.
#Sarri dopo il 6-0 va dritto negli spogliatoi senza dare la mano a Guardiola. #MCICHE #Chelsea #Aguero pic.twitter.com/2UiJ2d4jvh
— Marco Prestisimone (@M_Prestisimone) February 10, 2019
Athugasemdir
