Valur varð í kvöld Reykjavíkurmeistari kvenna eftir 2-2 jafntefli gegn KR í síðasta leik mótsins.

Valur var með fullt hús stiga fyrir viðureignina og virtist ætla að vinna fimmta leikinn af fimm þegar staðan var 2-0 í hálfleik.

KR-stúlkur voru ekki á því máli og náðu jafntefli eftir hetjulega endurkomu þar sem Katrín Ómarsdóttir gerði jöfnunarmark á lokakaflanum.

Valur lýkur því keppni með 13 stig eftir 5 umferðir og markatöluna 34:3 en KR endar meðal botnliðanna, með 4 stig.

Margrét Lára Viðarsdóttir endar sem markadrottning Reykjavíkurmótsins með 9 mörk.