Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 10. mars 2020 20:05
Guðmundur Aðalsteinn Ásgeirsson
Vonast til að Birkir og Emil komi á morgun
Icelandair
Birkir Bjarnason.
Birkir Bjarnason.
Mynd: Fótbolti.net - Hafliði Breiðfjörð
Einar Örn Jónsson, íþróttafréttamaður, sagði frá því í íþróttafréttum RÚV í kvöld að vonast sé til þess að Birkir Bjarnason og Emil Hallfreðsson, landsliðsmenn, komi til landsins á morgun.

Ísland mætir Rúmeníu í undanúrslitum umspils fyrir EM þann 26. mars næstkomandi. Leikið er á Laugardalsvelli.

Leikmennirnir spila báðir á Ítalíu en allir ferðalangar þaðan eiga að fara í tveggja vikna sóttkví þegar þeir koma til Íslands vegna kórónuveirunnar. Báðir leikmenn fara í sóttkví við komuna til landsins.

Ólympíusamband Ítalíu hefur ákveðið að banna íþróttaviðburði í landinu til 3. apríl til að hefta útbreiðslu kórónaveirunnar.

Klara Bjartmarz, framkvæmdastjóri KSÍ, var í viðtali í íþróttafréttum RÚV og hún býst við að leikmennirnir muni æfa einir á meðan þeir eru í sóttkví.

„Við ætlum að byrja á að koma þeim til landsins og koma þeim í sóttkví og taka síðan stöðuna," sagði Klara.

Ekki er enn búið að tilkynna landsliðshópinn, en virðist vera að Emil og Birkir séu í honum.
Athugasemdir
banner
banner
banner
banner
banner