Barnsley 0 - 0 Derby County
Barnsley og Derby County áttust við í eina leik kvöldsins í Championship-deildinni, næst efstu deild Englands, í kvöld.
Barnsley er í baráttu um að komast í umspil á meðan Derby ætlar sér að forðast fallsvæðið.
Lærisveinar Wayne Rooney í Derby mættu vel skipulagðir í leikinn og þeir náðu að hanga á núllinu. Barnsley var sterkari aðilinn í leiknum en Derby átti líka sín augnablik. Graeme Shinnie, leikmaður Derby, átti skot í stöngina þegar rúmar tíu mínútur voru eftir af leiknum.
Lokatölur 0-0 í þessum leik. Barnsley er í sjötta sæti deildarinnar með 58 stig og Derby er í 18. sæti, sjö stigum frá fallsvæðinu. Rooney er á góðri leið með að halda Derby uppi eftir að liðið hafði verið í fallsæti framan af tímabili.
Athugasemdir