Það komu þrír Íslendingar við sögu í danska bikarnum í dag þegar Midtjylland og OB áttust við.
Mikael Neville Anderson var í byrjunarliði Midtjylland og spilaði allan leikinn. Aron Elís Þrándarson byrjaði hjá OB en Sveinn Aron Guðjohnsen byrjaði á bekknum hjá OB.
Sveinn Aron hefur verið úti í kuldanum hjá Jakob Michelsen, þjálfara OB, og ekkert spilað síðan danski boltinn fór aftur af stað eftir vetrarfrí. Hann hefur verið utan hóps í sex af sjö deildarleikjum OB á árinu og einu sinni var hann ónotaður varamaður.
Í dag fékk hann hálfleik í bikarnum. Aron Elís spilaði 62 mínútur fyrir OB.
Midtjylland vann öruggan 3-0 sigur og samanlagt 5-1 í þessu einvígi. Liðið er því komið áfram í undanúrslit.
Alexander Scholz, fyrrum leikmaður Stjörnunnar, var heiðraður fyrir leikinn þar sem hann var að spila sinn 100. leik fyrir Midtjylland.
𝟭𝟬𝟬 𝗞𝗔𝗠𝗣𝗘 🔝
— FC Midtjylland (@fcmidtjylland) March 10, 2021
Alexander Scholz spiller i dag sin kamp nr. 100 for klubben ⚫🔴 pic.twitter.com/xIclULZS3m
Athugasemdir