Rosegård mætti St. Pölten frá Austurríki í Íslendingaslag. Kristrún Rut Antonsdóttir var allan tímann á bekknum hjá St. Pölten en hún kom við sögu í fyrri leiknum sem endaði 2-2.

Fyrri leikurinn í Svíþjóð var þannig að St. Pölten komst í 2-0 en Rosengård kom til baka og jafnaði metin.

Rosengård mætti til Austurríkis í kvöld og gerði nóg til að vinna leikinn. Þær skoruðu tvö mörk í fyrri hálfleiknum og náðu að landa sigrinum í seinni hálfleiknum.

Lokatölur 2-0 fyrir Rosengård sem er komið áfram í 8-liða úrslitin ásamt Chelsea, Lyon, Wolfsburg, Barcelona og Bayern München. Það eru tvær viðureignir eftir.