„Við áttum skilið að falla úr leik," sagði Nagelsmann á blaðamannafundi eftir leik.

„Leikirnir tveir voru mismunandi. Í dag var Liverpool ekki að pressa okkur mikið þannig, þeir sátu til baka og biðu. Þeir leyfðu okkur að hafa boltann. Við vorum of hægir, héldum bara boltanum og gæðin sem við höfum sýnt í síðustu leikjum, við náðum ekki að sýna þau í dag."

Leipzig fær núna tækifæri til að einbeita sér að deildinni heima fyrir þar sem liðið er í öðru sæti, tveimur stigum á eftir ríkjandi meisturum Bayern München. Á meðan gengur Liverpool illa heima fyrir og gæti Meistaradeildin verið eini möguleiki liðsins á að ná Meistaradeildarsæti á næstu leiktíð. Liðið sem vinnur Meistaradeildina á öruggt sæti í keppninni á næsta tímabili.