Aron verður tvítugur í sumar og þykir einn efnilegasti markvörður landsins. Hann á 15 leiki fyrir unglingalandslið Íslands og hefur verið í kringum U-21 árs landsliðið að undanförnu.

Hann var til að mynda í fyrsta æfingahópi Arnars Þórs Viðarssonar og Eiðs Smára Guðjohnsen.

Aron Dagur á fjóra leiki að baki fyrir KA í deild og bikar. Hann á til að mynda einn leik í Pepsi-deildinni. Síðasta sumar lék Aron Dagur fyrir Völsung í 2. deildinni.

„Það er klárt mál að þessi samningur er mikið heillaskref fyrir báða aðila en í sumar mun KA liðið treysta á unga og uppaldna markverði sem er eitthvað sem fá lið í Pepsi-deildinni gera," segir í tilkynningu KA.

Draumaliðsdeild Eyjabita fyrir Pepsi Max-deild karla opnaði fyrr í dag. Þar getur þú keypt Aron Dag í þitt lið.

Smelltu hér til að taka þátt í leiknum!

Sjá einnig:
Aron Elí og Aron Dagur munu fá tækifæri hjá Óla Stefáni

Pepsi Max-deildin hefst 26. apríl næstkomandi og mun KA spila við ÍA í fyrsta leik þann 27. apríl.

??? Aron Dagur Birnuson hefur framlengt saming sinn við KA um þrjú ár ? Öflugur ungur markvörður sem við munum treysta á í #pepsimax19 í sumar ?? #LifiFyrirKA https://t.co/hsnAWPuBSR pic.twitter.com/9eEssYlUyP

-- KA (@KAakureyri) April 10, 2019