Nokkrir landsfrægir tónlistarmenn og FH-ingar vinna nú að nýju FH-lagi sem að kemur út á næstu dögum.
Um er að ræða þá Friðrik Dór Jónsson, Björgvin Halldórsson og Heiðar Örn Kristjánsson. Þessa þrjá þarf valla að kynna fyrir lesendum en allir hafa þeir unnið mikið í tónlist.
„Flottir FH-ingar að taka upp nýtt FH lag sem kemur út á næstu dögum," var skrifað við mynd sem að birtist á Facebook-síðu FH þar sem að tríóið var statt í stúdíói að taka upp lagið.
Ekki kemur fram hvenær lagið á að koma út en það fer að styttast í fótboltasumarið, bæði hjá körlunum og konunum.
FH mætir HK í fyrstu umferð Pepsi Max-deildar karla þann 27. apríl í Kaplakrika.
Athugasemdir