Emil Hallfreðsson, sem var besti leikmaður Íslands á HM síðasta sumar, er byrjaður að æfa aftur.
Hann hefur verið frá keppni vegna hnémeiðsla undanfarna mánuði. Hann fór í aðgerð í desember og er núna að snúa aftur.
Hann hefur verið frá keppni vegna hnémeiðsla undanfarna mánuði. Hann fór í aðgerð í desember og er núna að snúa aftur.
Udinese birti í dag mynd af honum á æfingu með liðsfélögum sínum.
Emil samdi við Udinese í lok febrúar eftir að hafa fengið að nýta sér æfingaaðstöðuna hjá félaginu í endurhæfingu sinni. Hann rifti samningi sínum við Frosinone í janúar og samdi í kjölfarið við Udinese þar sem hann spilaði frá 2016 til 2018.
Udinese er í 15. sæti ítölsku úrvalsdeildarinnar, fjórum stigum frá fallsæti, þegar liðið á eftir að spila átta leiki. Það er spurning hvort Emil nái einhverjum af þessum leikjum.
Sjá einnig:
Viðtal sem var tekið við Emil í janúar.
Guess who's back?! 💪🇮🇸Il nostro Emil oggi è tornato in allenamento con tutta la squadra! 👉https://t.co/v6xXLytIlq pic.twitter.com/Pm4OvwIP3E
— Udinese Calcio (@Udinese_1896) April 10, 2019
Athugasemdir