„Pabbi sagði eitt við mig þegar ég var að basla aðeins með KR. Hann sagði að ég væri svo mikill Þórsari ennþá en þyrfti að gerast KR-ingur til að geta spilað vel fyrir KR," segir Atli.

„Ég held að þetta sé besta ráð sem pabbi þinn gat gefið þér," segir Tómas Þór Þórðarson, annar af umsjónarmönnum þáttarins.

Atli er 28 ára og hefur tvisvar orðið Íslandsmeistari með KR og einu sinni bikarmeistari. Hann kann vel við sig í vesturbæ Reykjavíkur.

„Það er oft ekki mikið um uppalda KR-inga í liðinu svo þeir hafa tekið fóstri við menn eins og Óskar Örn sem er orðinn KR-ingur. Ég er hálfpartinn fósturbarn. Ég er enn Þórsari, ekki mikill Akureyringur en ég er Þorpari," segir Atli.

Hlustaðu á viðtalið í heild sinni í spilaranum hér að neðan.