Brighton tilkynnti um fyrsta smit innan leikmannahópsins í lok mars. Svo var tilkynnt um annað smit í byrjun apríl og núna er komið í ljós annað smit, það þriðja í röðinni.

Leikmennirnir þrír hafa ekki verið nafngreindir.

Á morgun verður fundað enn einu sinni á meðal félaga í ensku úrvalsdeildinni um plön til að snúa aftur. Kórónuveiran hefur komið afar illa út á Bretlandseyjum, rúmlega 215 þúsund eru smitaðir og rúmlega 31,5 þúsund hafa látið lífið af sökum veirunnar.

Þrátt fyrir það virðist vera mikill vilji til þess að byrja aftur keppni í ensku úrvalsdeildinni í næsta mánuði.

Brighton var í 15. sæti ensku úrvalsdeildarinnar þegar hún var stöðvuð í mars.