Brasilíski miðvörðurinn Marcelo var látinn fara frá franska félaginu Lyon í lok janúar á þessu ári en í dag birtust ansi furðulegar ástæður fyrir brottrekstrinum.
Marcelo, sem er 34 ára gamall, var sendur í varalið Lyon í ágúst á síðasta ári.
Þar kom fram að ástæðan á bakvið það væri vegna þess að hann væri alltaf að leysa vind í klefanum og væri þar að auki alltaf hlæjandi, meðal annars eftir 3-0 tap gegn Angers í byrjun leiktíðar þar sem hann skoraði sjálfsmark.
Hann spilaði með liðinu alveg fram í janúar áður en félagið rifti samningnum við hann. Marcelo samdi við Bordeaux í janúar en í dag birti L'Equipe fréttina um ástæðuna á bakvið endalok hans hjá Lyon.
Marcelo, sem hefur ekki verið virkur á Twitter í langan tíma, mætti aftur á samfélagsmiðilinn í dag og neitaði þessum ásökunum.
„Þökk sé L'Equipe sá ég mig tilneyddan til að mæta aftur á Twitter og neita öllum þessum ásökunum. Blaðamennska í dag er grín," skrifaði Marcelo.
Juninho Pernambucano, yfirmaður íþróttamála hjá Lyon, grínaðist aðeins með þetta og svaraði honum á Twitter.
„Ég sagði þér það. Varnarmenn verða að prumpa kröftulega með vondri lykt sem hangir lengi í loftinu. Prumpið þitt var bara kröftugt," sagði Juninho.
Tá vendo, te disse 😅😅 zagueiro tem q mandar peido alto, longo e fedido 😅😅 o teu só foi alto 😂😂😂😂😂aí tá fraco 😅😅😅 https://t.co/G5fW3nH9FN
— Juninho Pernambucano (@Juninhope08) May 10, 2022
Athugasemdir