Tvö af stærstu spurningamerkjunum í liðsuppstillingu Argentínu fyrir leikinn gegn Íslandi á laugardag eru hver verður í markinu og hver byrjar sem fremsti maður.
Sergio Romero, markvörður Manchester United, verður ekki með á HM vegna meiðsla en hann varði mark Argentínu í öllum leikjum í undankeppninni.
Sergio Romero, markvörður Manchester United, verður ekki með á HM vegna meiðsla en hann varði mark Argentínu í öllum leikjum í undankeppninni.
Líklegt þykir að Willy Caballero, markvörður Chelsea, verði í markinu gegn Íslandi frekar en Franco Armani hjá River Plate eða Nahuel Guzman hjá UANL.
„Ég held að Willy Caballero verði í markinu," segir Tomas Maria Bence íþróttafréttamaður hjá La Nacion.
Gonzalo Higuain framherji Juventus og Sergio Aguero framherji Manchester City eru að berjast um sæti í fremstu víglínu.
„Higuain á möguleika á að byrja. Aguero gæti komið inn á og byrjað í öðrum leik en ég held að Higuain byrji gegn Íslandi," sagði Tomas.
Jorge Sampaoli, þjálfari Argentínu, er duglegur að skipta um taktík á milli leikja.
„Hann mun líklega reyna að láta liðið sækja mikið og vera mikið með boltann. Það er erfitt að giska á taktíkina því hann er alltaf að breyta," sagði Tomas.
Sjá einnig:
Íþróttafréttamaður La Nacion: Ísland hefur engu að tapa
Athugasemdir