Tveir vináttulandsleikir eru á dagskrá í dag og er annar þeirra mun áhugaverðari en hinn.

Um er að ræða leiki Austurríkis og Brasilíu annars vegar og Indlands og Keníu hins vegar.

Indland og Kenía eru ekki á leiðinni á Heimsmeistaramótið frekar en Austurríki en Brasilíumenn eru á leiðinni þangað og þykja nokkuð sigurstranglegir.

Brasilía stefnir að því að sigra mótið í fyrsta skipti síðan árið 2002 þegar keppnin fór fram í Japan og Suður-Kóreu.

Brasilía leikur í E-riðli á HM þar sem andstæðingarnir verða Serbía, Kosta Ríka og Sviss.