Wales mætir Belgíu í Þjóðadeildinni á morgun og er það fjórði leikurinn á tíu dögum og það eftir langt tímabil.

Fleiri leikir eru spilaðir á ári hverju og er þetta að draga allan móð úr leikmönnum og kallar Bale eftir breytingum.

„Það verða afleiðingar af þessu til lengri tíma. Líkamar fólks geta ekki höndlað þetta ár eftir ár."

„Það verður eitthvað að breytast. Fólkið sem stjórnar þessu þarf að gera eitthvað en því miður spila peningar inn í dæmið. Þetta er bransinn þegar allt kemur til alls, en það þarf að horfa framhjá peningunum til að hugsa um velferð leikmanna."

„Það nefndi einhver við mig í hádegismatnum um daginn að Kevin de Bruyne gæti spilað 79 leiki á öllu næsta tímabili og fengi aðeins þrjár vikur í frí. Þetta er alltof mikið og þessir hlutir þurfa að breytast og allir leikmenn munu segja þér að þetta eru of margir leikir. Það er ómögulegt að spila á svona marga leiki á svona háu stigi," sagði Bale í lokin.