U21 lið Íslands er að fara í gríðarlega mikilvægan leik gegn Kýpur á Víkingsvelli annað kvöld í lokaumferð riðilsins í undankeppni EM. Ef Ísland vinnur og Portúgal vinnur Grikkland í leik sem fram fer á sama tíma þá kemst íslenska liðið í umspil um sæti í lokakeppni EM.
„Spennustigið er gott. Geggjaður leikur sem verður hérna á laugardegi í Víkinni. Menn eru spenntir," segir Hákon Rafn Valdimarsson, markvörður U21 landsliðsins.
Þetta eru ólíkir leikir sem Ísland spilar í þessum glugga.
„Þetta snýst um að vera fókuseraður á leikinn. Ég hafði ekki mikið að gera gegn Liechtenstein en svo var meira að gera gegn Hvíta-Rússlandi. Leikurinn á morgun verður krefjandi."
Hákon segir að hópurinn nái vel saman, séu góðir vinir og vonast til þess að hann fari saman á lokakeppni EM.
Athugasemdir