„Já geggjað bara loksins, við ætlum bara að byggja ofan á þetta, gott að fá þrjú stig" sagði Helga Guðrún Kristinsdóttir leikmaður Fylkis í Lengjudeild kvenna eftir 1-0 sigur á Fjölni í kvöld. Með sigrinum náðu Fylkiskonur sér í sín fyrstu stig í sumar.
Lestu um leikinn: Fylkir 1 - 0 Fjölnir
Emily Elizabeth Brett leikmaður Fylkis þurfti að yfirgefa völlinn í sjúkrabíl eftir harkalega tæklingu en Fylkiskonur létu það ekki draga úr sér,
„Baráttan og leikgleðin, bara erfitt að missa manneskju svona snemma í leiknum en við bara tókum þennan sigur fyrir hana" sagði Helga
Helga Guðrún segist vera bjartsýn á framhaldið,
„Mér lýst bara mjög vel á þetta, fín að vera búin að brjóta ísinn og koma með sigur og við ætlum bara að byggja ofan á þetta og baráttuna".
Viðtalið við Helgu Guðrúnu má sjá í heild sinni í spilaranum hér að ofan.
