Holland vann 2-1 sigur gegn Wales í Þjóðadeildinni í gær. Wout Weghorst skoraði sigurmark Hollands í lok leiks með flugskalla.
Weghorst er leikmaður Burnley sem féll úr ensku úrvalsdeildinni í vor. Í liði Wales var Connor Roberts en hann er einnig leikmaður Burnley.
Stuttu eftir sigurmarkið fór Roberts upp að Weghorst og virðist skjóta á hann í pirringi.
„Af hverju gerðirðu þetta ekki fyrir Burnley?" lítur Roberts út fyrir að segja.
Weghorst virðist svara pirringi Roberts með því að benda á að þetta mark snérist ekki um Burnley.
Weghorst gekk í raðir Burnley frá Wolfsburg í janúar. Weghorst byrjaði vel hjá Burnley en að lokum endaði hann einungis með tvö mörk í tuttugu leikjum.
Weghorst hefur sagt frá því að hann vilji ekki spila með Burnley í Championship-deildinni. Hann sé þó ekki að fara fram á sölu og væri opinn fyrir því að fara frá félaginu á láni.
Roberts: “Why don’t you do that for Burnley?”
— Karen Fazackerley (@KarenFaz) June 8, 2022
Weghorst: “This isn’t about Burnley, shut up.”
🏴 Hero 🤣#BurnleyFC #twitterclarets pic.twitter.com/UTjnsAqi36
Athugasemdir