Luka Jovic er enn ákveðinn í að sanna sig hjá stórliði Real Madrid samkvæmt fréttum dagsins.
Jovic hefur lítið sannað á Santiago Bernabeu en hann byrjaði aðeins fjóra deildarleiki á sínu fyrsta tímabili og var síðar lánaður aftur til Þýskalands.
Jovic stóð sig gríðarlega vel með liði Frankfurt frá 2017 til 2019 og skoraði þá 25 mörk í 49 deildarleikjum.
Eftir komuna til Real skoraði Jovic aðeins tvö mörk í 21 deildarleik og síðar fjögur mörk í 18 leikjum með Frankfurt á láni.
Þrátt fyrir það ætlar Serbinn ekki að gefast upp og vill spila með liðinu á næstu leiktíð.
Jovic er 23 ára gamall en hann kostaði spænska félagið 70 milljónir evra.
Athugasemdir