Enska úrvalsdeildarfélagið Arsenal er að ganga frá kaupum á miðjumanninum Albert Lokonga frá Anderlecht í Belgíu.
Arsenal hefur verið í viðræðum við Anderlecht síðustu vikur en talið er að kaupverðið muni verða allt að 18 milljónir punda.
Goal segir að Lokonga sé á leið í læknisskoðun fljótlega.
Talið er að hann fari í læknisskoðun í Belgíu og muni svo fara til London. Það er vonast til þess að hann verði leikmaður Arsenal þegar liðið fer til Bandaríkjanna í æfingamót seinna í þessum mánuði.
Lokonga er 21 árs gamall og þykir mjög spennandi miðjumaður. Hann hefur ekki enn spilað A-landsleik fyrir Belgíu.
Athugasemdir