Jadon Sancho verður betri leikmaður fyrir Manchester United ef hann fær treyjunúmerið sjö á Old Trafford.
Þetta segir þjálfarinn Louis Lancaster sem þekkir til Sancho en þeir unnu saman hjá Watford.
Sancho er að ganga í raðir Man Utd frá Dortmund en hann er þessa stundina með enska landsliðinu á EM.
Lancaster telur að pressan sem fylgir númerinu henti Sancho en margar goðsagnir hafa klæðst sjöunni hjá félaginu.
„Ég held að það myndi ekki hafa neikvæð áhrif. Ég held að hann yrði betri leikmaður vegna pressunnar sem fylgir," sagði Lancaster.
„Sumir leikmenn missa hausinn en aðrir verða tíu prósent betri undir pressu. Ég segi þeim að láta hann fá treyjuna."
Athugasemdir