Brasilíski miðjumaðurinn Fabinho gæti misst af leik Liverpool gegn West Ham í fyrstu umferð ensku úrvalsdeildarinnar á sunnudaginn vegna meiðsla.
Fabinho missti af æfingu Liverpool í gær eftir að hafa meiðst í vináttuleik gegn Torino á þriðjudaginn.
Fabinho kom frá Mónakó fyrir 43 milljónir punda fyrr í sumar og bera stuðningsmenn miklar væntingar til hans.
Talið er að hann sé að glíma við smávægileg vöðvameiðsli og því miklar líkur að Georginio Wijnaldum byrji fyrsta deildarleikinn í hans stað.
Wijnaldum hefur verið fastamaður í byrjunarliði Liverpool frá því hann gekk í raðir félagsins fyrir tveimur árum.
Athugasemdir