Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fös 10. ágúst 2018 09:00
Ívan Guðjón Baldursson
Fabinho tæpur fyrir leikinn gegn West Ham
Mynd: Getty Images
Brasilíski miðjumaðurinn Fabinho gæti misst af leik Liverpool gegn West Ham í fyrstu umferð ensku úrvalsdeildarinnar á sunnudaginn vegna meiðsla.

Fabinho missti af æfingu Liverpool í gær eftir að hafa meiðst í vináttuleik gegn Torino á þriðjudaginn.

Fabinho kom frá Mónakó fyrir 43 milljónir punda fyrr í sumar og bera stuðningsmenn miklar væntingar til hans.

Talið er að hann sé að glíma við smávægileg vöðvameiðsli og því miklar líkur að Georginio Wijnaldum byrji fyrsta deildarleikinn í hans stað.

Wijnaldum hefur verið fastamaður í byrjunarliði Liverpool frá því hann gekk í raðir félagsins fyrir tveimur árum.
Athugasemdir
banner
banner
banner