Emilia Kiær Ásgeirsdóttir skoraði innsiglaði sigur Nordsjælland þegar liðið tók á móti Kolding í fyrstu umferð dönsku deildarinnar í dag.
Nordsjælland var með 3-0 forystu í hálfleik en Emilía skoraði fjórða og síðasta mark liðsins strax í upphafi seinni hálfleiks. 4-0 lokatölur.
Wolfsburg lagði Twente 5-1 í æfingaleik í dag en Sveindís Jane Jónsdóttir var í byrjunarliðinu og skoraði fyrsta mark liðsins. Glódís Perla Viggósdóttir var í byrjunarliði Bayern sem valtaði yfir Slavia Prag 7-0.
Bæði lið eiga eftir að spila einn æfingaleik en liðin mætast svo í þýska Ofurbikarnum þann 25. ágúst.
Athugasemdir
