Trent Alexander-Arnold segir að hann beri mikla virðingu fyrir Sergio Ramos. Alexander-Arnold segir Ramos vera besta miðvörð í heimi og hann hafi sýnt það í gegnum tíðina að hann sé sigurvegari.
Ramos er ekki beint vinsæll hjá stuðningsmönnum Liverpool en Mo Salah meiddist illa í úrslitalik Meistaradeildarinnar eftir brot frá Sergio Ramos.
„Hann hefur sýnt það á síðustu tíu árum að hann er sigurvegari. Að vinna Meistaradeildina þrisvar sinnum í röð er afrek,” segir Alexander-Arnold í viðtali við Guardian.
„Hann hefur sennilega verið besti miðvörður í heiminum í smá tíma núna. Jafnvel þó að hann hafi verið óvinur okkar í maí þá er ekki annað hægt en að virða hann sem leikmann.”
Ekki er víst að stuðningsmenn Liverpool taki undir með hægri bakverðinum en það var baulað mikið á Ramos þegar Spánverjar og Englendingar mættust í Þjóðadeildinni um helgina.
Athugasemdir
